كلنا بنصرف علي الدولة

كلام في المليان
بقلم / عصام حلمى

خلال جولة في مدرسه الشهيد احمد سمير بكفر الجزار وقف محافظة القليوبية يوبخ مديره المدرسه بسبب ضعف الاستعدادات والنظافة مع بداية العام الدراسي قبل ماترد عليه وتقول إنها هي والوكيله دفعوا 18الف جنيه من جيبهم عشان يجهزوا المدرسه المديره قالت إن الإدارة التعليمية كل ما تطلب منها تمويل تقول لها مفيش فلوس فدفعت 7100جنيه لتوصيل الكهرباء و فلوس لإصلاح المجاري وتوصيل المرافق وجانب المحافظ الفواتير والمستندات التي تثبت كلامها لكن بدل مايسالها ليه مديره مدرسه حكوميه اضطرت تدفع من مرتبها عشان توصل الكهرباء والمياه لمدرسة تابعه للدوله رد عليها مستنكرا متفهمنيش انك بتصرفي علي الدولة ياستاذه والحقيقة ياسيادة المحافظ انها فعلا بتصرف علي الدولة هي والوكليه والمدرسين وأولياء الأمور وكل مواطن بيدفع من جبليه عشان خدمة عامة هو بيمول ضرائب باستخدام في إنشاء وصيانة الخدمات العامة دي بصرفوا عليها مره من الضرائب اللي بتتخصم من مرتباتهم ومره من ضريبة القيمة المضافة اللي بيدفعوها علي كل سلعه وخدمه تقريبا ومره تالثه لما المدرسة تقول لهم هاتوا ورق وطباشير ومرواح ودكك وزجاج الشبابيك أو لما المستشفى تطالب من المريض يشتري القطن والجوانباات والخيوط الجراحية والدواء من بره ومرات أنفاق من الجيب مره ثانيه لما بيروحوا دروس خصوصيه أو مدارس خاصة اولما بيروحوا بتعالجو في عيادات خاصه كان المفروض تكون الحكومة موفره خدماتها في نفس المستوى المواطن المصري بيدفع ضرائب ويستحق خدمات ده الشئ البديهي اللي الحكومة ومسوليها في مصر بتجاهلوه وبيتعاملوا مع المال العام علي أنه مال الدولة وكان الدولة دي كيان تخيل كده كل يوم الصبح بصحي نلاقيه حاطط لكل مواطن 200 جنيه تحت المخده الضرائب في موازنة 2026/2027 بتمثيل حوالي 87/ من ايرادات الدولة يعني تقريبا تسعة جنيه من كل عشرة جنيهات بتدخل الخزانة كايرادات جايه من الضرائب الجزء الأكبر من الضرائب دي مش جاي من أصحاب الثروات الكبيره لكنه جاي من الاستهلاك والمرتبات ضريبة القيمة المضافة وحدها بتمثيل 35/من الحصليه الضريبيه وضرائب المرتبات 9/ يعني المستهلكين والناس اللي شغاله بأجر بيموالو مع بعض 44/ من الضرائب في المقابل علي ارباح الشركات بتمثيل حوالي 14/ فقط من الحصيلة الكارثة الأكبر أن معظم الضرائب دي مش بتروح للناس في صورة مدرسه كويسه اومستشفي مجهز فوائد الديون وحدها هتبلع خلال السنة المالية الحالية حوالي 79/من حصليه الضرائب المتوقعة وده بيمثل ضغط متجدد كل سنه علي الموازنة وده اللي بودي في النهاية لزيادة عجز الموازنة وكذلك زيادة تكلفة تمويل الديون دي والحقيقة أن المواطن بيموال الدولة مرتين مرة رسميا من خلال الضرائب والفواتير ومره بصورة غير رسمية من خلال التبرعات وجمع الفلوس وشراء المستلزمات التي تخلت الموازنة عن تمويلها المشكلة في مجمل القطات الدعائية الغبييه اللي بيعمها المحافظين والمسؤولين في مصر لنفسهم مش بس الطريقة المتعالية للتعامل مع الموظفين الغلابه لكن المشكلة أنها بتكشف عن طريقه كارثية في التفكير طريقه مش بتشوف المواطن باعتباره دافع ضرائب وممول للموازنة لكن تراه مجرد متلق للخدمه والمفروض بشكر الدولة وعلي رأسها المسؤول عن أي شي