تقدمها : غادة احمد
نختار طماطم حمراء طريه ( ٢ كيلو )
نضربها في الخلاط
نرفعها على النار لمدة ٥ ق ( بلاش غليان كتير علشان تفضل طازة حتي بعد ماتطلع من الفريزر )
كوبايه ميه و٢ ملعقة كبيرة بابريكا
وملعقتين كبار نشا نقلب البابريكا مع النشا والميه ونضيفهم على الطماطم ونسيبهم يغلوا خمس دقائق كمان.
كده الصلصه هتتقل معانا بسبب النشا
ويتظبط لونها علشان البابريكا
ومش هتكون صايصه برضه علشان فيها نشأ.
ازاي نخزنها ؟!
في برطمانات ناشفه تماما من الميه
بعد ما الصلصه تبرد خالص نحطها في البرطمانات ونخزنها في الثلاجه .
او في علب بلاستيك نظيفه وبرضه ناشفه تماما من الميه ونخزنها في الفريزر .
وممكن في اكياس بلاستيك بتاعه اللبن
وبالف هنا وصحة
