مش هاتشتروا كيك تاني من برة خلاص ميكس بودرة كيك

تقدمها : غادة احمد

المقادير
٦ كوب دقيق كيك
٨ م .ك لبن بودر
٨ م.ص ب . ب
٣ ونص كوب سكر بورد
٣ م. ك نشا
١ م.ك فانيليا

هانخلط كل المقادير دي علي بعض خلط كويس قوي قوي .
ونحطها في برطمان ونحتفظ بيها في مكان بارد وبعيد عن الرطوبة

طيب نعمل منه كيك ازاي
ناخد منه ٣ كوبايات وده يكفي صينية مقاس ٢٤
في بولة مناسبة هانضرب ٣ بيضات بالمضرب السلك
وننزل عليهم ب كوب لبن او مية او ميكس ونقلبهم كويس
واخر حاجة نضيف نص كوب زيت او زبدة سايحة او ميكس
نصب السوائل دي كلها علي ال ٣ كوب ميكس الكيك

طيب لو عايزينها شيكولاتة
نضيف ٣ ملعقة كبيرة كاكاو علي نص كوب لبن
ونضيفه علي خليط السوائل ونكمل عادي خالص
نصب الخليط في الصينية
وع الفرن علي طول
حرارة ١٨٠ درجة لمدة ٣٥ ل ٤٠ ق مثلا
وبالف هنا وصحة وعافية