تفاعل من أولياء الأمور مع ما طرحته عبير أحمد “لو ابنك أخطأ في الإمتحان بتتعاملي معاه إزاي؟”
أمير أبورفاعي
بالتزامن مع فترة الإمتحانات للشهادة الإعدادية التي يؤديها الطلاب في هذه الفترة طرحت عبير أحمد، مؤسس إتحاد أمهات مصر للنهوض بالتعليم، وإئتلاف أولياء الأمور، موضوعاً للنقاش تحت عنوان ” في الإمتحانات يقع معظم الطلاب في بعض الأخطاء عند الإجابة علي الأسئلة، ورغم أن أغلبهم يعلمون الإجابة الصحيحة ولكن قد يكون الوقوع في هذا الخطأ نتيجة التسرع أو النسيان أو التوتر” طرحت هذا الموضوع للنقاش، بين الأمهات من أولياء الأمور، قائلة “بتتعاملوا مع اولادكم ازاي لو عرفتوا انهم أخطأوا في الامتحانات وازاي بتطمنوهم عشان يركزوا في المادة اللي جاية؟”.
وأشادت مؤسس إتحاد أمهات مصر وإئتلاف أولياء الأمور بتعليقات وطريقة تعامل أغلب أولياء الأمور مع أبنائهم الذين يقعون في بعض الأخطاء عند الإجابة علي الأسئلة، وكذلك مشيدة بمستوي رد فعلهم الراقي والمفيد لنفسية وتشجيع الأبناء، فيما تفاعل العديد من أولياء الأمور علي صفحة إتحاد أمهات مصر للنهوض بالتعليم وإئتلاف أولياء الأمور، في الفيسبوك، حيث قالت ولية أمر: “المهم يعرف الخطأ ايه عشان ميكرروش لو ناتج عن عدم فهم للمعلومة، ولو خطأ ناتج عن تسرع يبقى ننصحه يهدأ وبلاش يتوتر بدون داعي، وأهم حاجة إن مفيش مشكلة لو غلطنا أو نقصنا نتيجة جهل بمعلومة أو صعوبة سؤال طالما مفيش تقصير من جهتنا”.
وأضاف ولية أمر أخرى: “بقولها ولا يهمك، المهم نعرف احنا غلطنا لية وفى اية علشان منكررش الغلط ده تانى، ومهما كانت هيا غلطت فى اية عمرى ما ازعق علشان خاطر امتحان، المهم نفسيه البنت تبقى مطمنه وانها تقدر تكمل بقيه الإمتحانات”.
واستكملت ولية أمر أخرى: “بقولها أهم حاجه عرفت الصح ايه؟ يبقى خلاص هتستفيدى من الغلط المره الجايه وعمرك ما هتغلطى فيها تانى، وكمان بقولهم انا عمرى ما احاسبكم على درجة ولا ازعل على درجة لكن ازعل على تقصير فى مذاكره وانكم مش قد المسؤولية لو أنا متأكده انكم عملتوا اللى عليكم خلاص بالنسبة لى كده جبتوا الدرجات النهائية والعكس لو جبتوا درجات كويسة وانا عارفه انكم مقصرين ومذاكرتوش كويس هزعل ومش هفرح بالدرجات”.
وذكرت ولية أمر أخرى: “بقول لإبنى اللى انت حليته خلاص، نركز فى المادة اللى جايه ومنكررش الخطأ تانى، بقوله انت تعبت وذاكرت وعملت اللى عليك عشان نفسيته ويعرف يفكر فى الماده اللى بعدها”.
وتابعت أخرى: “انا مش براجع أى مادة فى فترة الامتحانات اصلا لأن المراجعة بتسيب اثر محبط مهما كان الكلام غير المراجعة مش هتغير اى شيء من النتيجة، احنا بنجتهد طول الترم وبعدين نمتحن ويوم الامتحان بقولهم انى متقبلة النتيجة ايا كانت لأننا تعبنا، وبس.
