سارة أحمد تكتب.. حبيب العمر
سارة أحمد تكتب .. حبيب العمر
ايه مفهومك عن الحبيب؟، أنا على اعتقاد إن مفهوم الحبيب يمكن يكون متغير من شخص لآخر، ولكن أنا أيضاً على يقين إن الحبيب هو الشخص الوحيد اللي ممكن تكون على راحتك معاه. ..كما ولدتك أمك …أبيض نقي وشفاف….لا يمكن تعمل حساب لاي كلمه ولا فعل وانت معاه …اعرف وتاكد انك لو بدات تفكر وانت بتكلمه ..هايكون نزل من مرتبة الحبيب …الى اي علاقه ثانيه!!!!.
حبيبك هو اللي عينك بتلمع وانت معاه.. ولما يتكلم بتبقى مهتم .. حبيبك هو اللي تجري عليه وانت غضبان وتعبر عن غضبك زياده وبانفعال ..تقدر تستعمل كل ردود الافعال الممكنه والغير ممكنه ويكون متفهم ومتقبل.. ولو ده اتغير تأكد ايضاً إنه مبقاش حبيبك، حبيبك اللي حضنه… تشعر معاه بالدفا مهما عدى الوقت واعرف انك لو في يوم لم تشعر معه بالدفا ..اصبح شخص عادي، حبيبك هو اللي لا يمكن تستخسر فيه مشاعرك ..تجري عليه وتكبها دون تفكير أو حساب، حبيبك هو اللي يتقبلك بكل ما فيك من غير فصفصه.. هايصرحك ها يحتويك ها ينتقدك… ولكن هايكمل معاك على عيبك.
دور على حبيبك ولو لاقيته اوعى تسيبه .. واعرف ان ممكن في حياتك يعدي عليك عدة احبه ….. الحبيب وجوده دوا..ولكن اعرف وتأكد أن ان في واحد فقط ها يعلم فيك حتى لو كان .. !!! ( فعل ماضي ) هاترجع وتقول دا كان اكثر واحد باكون شفاف معاه ..بلا حواجز ..ومش شرط يكون حبيبك الاولي ..المهم يتحقق شروط الحبيب،والله يكون في عون اللي عاش عمره من غير احساس الحبيب .. لانه بيكون شخص فاقد المثير والمشوق من الاحاسيس الذي لم يعشها ..اصل الحبيب هو اللي يخلي عينك مليانه بريق ..اللهفه.. الدفا الجواني..الامان .. بيعيشك مشاعر غريبه .. معاه بتجرب كل جديد ومثير ..معاه بتحس بحلاوة البدايات ..ومعاه ها تشعر بالأمان في النهايات…معاه بتكون شفاف ومنطلق دون حواجز…. من الصعب انك تحقق كل هذا الا مع الحبيب..اللهم انعم عليكم بحبيب العمر.
