أيمن محمد فريد يكتب ..زي طالب فرحان بنجاحه
أيمن محمد فريد يكتب ..زي طالب فرحان بنجاحه
جوة كل واحد مننا حلم مصدقه ومؤمن بيه
عايش كل لحظة بيفكر وبيخطط ليه
بيرسم طريقه ف عز العتمة وبيمشيه
في اللي عافر مننا وغير الواقع
ومننا كتير رضي بيه
واتعود علي المألوف
واستسلم للظروف
ومن أمتي في حلم بيتحقق
بيأس أو بخوف…….
كل اللي حاولوا وتعبوا دلوقتي ارتاحوا
وبكرة مسيرك ترتاح وتضحك زي طالب فرحان بنجاحه
الحياه مليانه فرص
بس الشاطر اللي
يستغلها
يمكن لو فرصه واحده ضاعت منك
عمرك ما هتلاقي زيها
النجاح مش بالامكانيات
النجاح هو انك تعمل حاجه بتحبها
عمرك ما هتوصل لقمة النجاح
ونقطة الصفر لسه انت عندها..
محدش هيقولك تبدأ ازاي
ومفيش حد هيطبطب عليك
انت طبيب نفسك
واللي هتاخد بايديك هي ايديك
عايز ترتاح بطل تحسبلها
والحاجه اللي ضاعت منك
ربنا عنده احسن منها
وطول الصبر بيبلغ المنال
ربك بين غفلة وانتباه بيبدل حال لحال
وبكره متعرفش مخبي ايه
وايه ليك متشال
يمكن خلاص قربت تحقق حلمك
يمكن خلاص نجحت وحققت الامال
