بعد حل ازمه أصحاب المراكب الخشبية بالاسكندرية
كتب/ محمد ابراهيم خالد
يقول نائب الاسكندريه محمود عصام
عدد من أهالينا وأخواتنا من أصحاب المراكب الخشبية في الإسكندرية فاجئوني بزيارة جميلة جدا أدخلت البهجة والسرور على قلبي بشكل لا يمكن وصفه في سطور.
حبايبنا كانوا جايين علشان يشكروني على التدخل لحل أزمة إلزامهم بتركيب جهاز ملاحي بسعر مبالغ فيه وتهديدهم بوقف التراخيص بتاعتهم، ودا بعد ما فتحت مع النائب الزميل المحترم الصافي عبد العال الموضوع في مجلس النواب وتم الاتفاق مع الحكومة على حلول ترضي الجميع.
في الحقيقة أنا هنا لازم أوجه الشكر لأكتر من طرف، أولهم أهلنا وحبايبنا أصحاب المراكب اللي أسعدوني بزيارتهم الجميلة وهديتهم التذكارية اللى قيمتها عندى كبيرة جدا.. وهنا أحب أؤكد ان أنا عملت واجبي اللي أقسمت عليه واللي أهل اسكندرية انتخبوني علشانه.. وهبذل كل جهدى للقيام به على أكمل وجه.
ثانيا بشكر زميلي النائب المحترم الصافي عبد العال اللي كان متابع معانا الموضوع أول بأول تحت قبة البرلمان.
ثالثا كل الشكر للسادة أعضاء لجنة النقل لتضامنهم ودعمهم الكامل لطلب الإحاطة اللي اتقدمت به وتم مناقشته وجاب نتيجة مرضية للمتضررين من القرار.
