سارة أحمد تكتب.. عايزة يعملوا shark tank أجمد عيلة
سارة أحمد تكتب.. عايزة يعملوا shark tank أجمد عيلة
بصراحة كده ومن غير مقدمات وبلهجة عامية أنا عايزة يعملوا موسم متخصص من shark tank ،اسمه “اجمد عيله” تحت شعار “استثمر فينا… هاتعود بالنفع عليك وعلينا”.
العائلات المستهدفة هي الطبقه المتوسطه ” اصلهم حبايبي متبهدلين” حبتين …ولا عارفين يطلعوا فوق.. ولا ينفع ينزلوا تحت ،الهدف من الموسم هو .. الارتقاء بالاسره من حيث احتياجاتهم وكل اسره ولها احتياجتها … خد عندك من اول ابسط الحاجات الى اثقلها… “الكورسات التعليميه .. فرص عمل لشباب العائله.. دعم زواج شباب العائله.. من حيث الشقه والتجهيزات المبدئيه..”
اقسم بالله ليست رفاهيه.. اصلك لو حللت الطبقات هتلاقي الاتي …الطبقه الخاصه بحياه كريمه ودي بتلاقي مساعده من الكل .. والطبقه العاليه .. هما عارفين بيصرفوا امورهم وطبعا ربنا يزدهم ….نيجي للمتوسطه …والله بنحاول وبنتبرع للتحت .. وبنسدد للفوق،المشكله اننا بنتكسف ..نطلب .. مش ممكن احنا مصروف علينا .. وبنزكي وبنحاول نساعد علشان البركه… ويبقى حالنا كدا …دا كفاح وجهاد مرير
ومن هنا جه الاقتراح .. لاجمد عيله في مصر ….ممكن “الشاركس” تدعم الاسره من حيث مجموعه من الاحتياجات….في حاجات كثير تحتجها الطبقه المتوسطه….خد عندك ….مخالفات السياره …الحياه بقت صعبه خصوصا مع كمية الرادارات اللي على الكباري.. او مستلزمات السنه من اساسيات البيت من السوبرماركت اصلنا متعودين على مستوى معين من العيشه… ..الاستثمار ممكن يكون صحي او اجتماعيى..وغيره
الجوائز تقسم على حسب ما تتميز به العائلة( العلميه ..الفنيه …السياسيه والاقتصادية) وكل واحد من الشاركس يستثمر في النوع اللي يناسبه
المهم ممكن تعتبروا ان الموسم دا شبه تكافل وكرامه للطبقه المتوسطه ولكن بشكل شيك، اصل الصراحه الشعب مش كله entrepreneur في ناس عاديه عايشه وبتشتغل عادي والله فكره وتحتاج الدراسه والتجويد.
