اطروحة الاثنين علي راسو ريشه

بقلم دكتورة / هناء الجوهري

بعض الناس مثلي قدوتهم في الحياة هي القرود ، لاحظ وهي بتتنطط من مكان لاخر وتاكل الموز وترمي القشر على الزواراكيد شفت حضرتك دا في حديقة الحيوان . قد تبدو لك في الوهلات الأولى انها حركات عشوائية لكن انا اسمية على راسوا ريشه اوتنك مشاهدتي للقرود منحتني دروس متفرقة متصلة على شكل حلقات اجتماعية او أكشن عن ماهية “التناكة” وقيمتها وتأثيرها في تكوين وبلورة الشخصية المصرية في عصر اختلطت فية المعايير اوكما يقال الحابل بالنابل والعربجي برئيس الحزب السياسي وأسأل نفسي هل الواحد بقا فاهم الناس غلط ولا ديه بقت صفه مكتسبه عند الكبير والصغير فى مصر انا كلامى اكتر على الشركات او المشاريع الصغيره وغالبا اصحابها شباب صغير مش ناس ذو خبره يعني هوة ليه كل ما واحد يعمل مشروع ولا حتى صفحه على الفيس ملهاش 30 لازمه يعملك فيها صاحب بيزنس وقمه التناكه الى فى الدنيا لدرجه انه بيقطع رزقه بايده لما بيتنك على الناس وعلى الشغل حتى مع الشركات المتعاونه معاه وفاكر ان ده صح بيعلى من مقامه وقيمة
شركته وكذلك الموظفين لما تيجى اى شركه تتوطف فيها والشركه متنكتش عليه وعاملته باحترام متبادل واهتمام عالى يفتكرهم واقعين وملهمش لازمه ولما يتنكوا عليه وينفضوله بالاسابيع ولا بيعبروه تلاقيه بيجري وراهم ليل ونهار ويتمنى يدخل بس جوا الشركة ، أقولها بنبرة مدرس فيزياء علمي علوم بمدرسة عمر بن الخطاب الثانوية بنات كان يدرس لي بصوا بقا للمصطلح دا التناكة هي الانطباع الأول عن شخص اسمة يعقبه جملة “فلان ده تنك أوى” والحقيقة أن هناك أشخاص لا يصطنعون ذلك بل هى صفة أصيلة فى شخصيتهم وستجد أن هناك بعض الاشخاص الذين يتميزون بالاعتزاز الكبير بالنفس و الثقة الزائدة التى يراها الكثيرين “تناكه”. هذه الصفة غير مفتعلة عند بعض الناس لكنها طبيعتهم ومثلها مثل أى صفة الشجاعة او الكرم فاكرين الواد أبو “جيل” في شعره اللي مبلط في الديسكو أهو هوه دة و يمكنك التعرف علي الشخص “التنك جدًا” بسهولة حيث أن مهنته الحساسة في الأداء والدقة، وقرايبه المهمين اللي في كل مكان سمحت له بأن يمارس تناكته زي السكينة في الحلاوة ، وطبعًا هذا النوع لازم تتكلم معاة وانت بتقدم خطوة ونص وترجعهم تاني كخطوة معتادة تسبق القفز المباغت أسفل منتصف الهدف فوق سن نملة الدبانة مع نظرة ثابتة، ولا مانع من رفع حاجب استنكار ، وقفة مشرأبة الأكتاف منبعجة للأعلى عند خط الأنف ، شفاة مقلوبة , كلمات مختصرة مقتضبة، ثم تتبعها بميرسي أو شكرًا أو بليز ، بص هاريحك، لو قابلت أي من هذه الكائنات (قرود او بني أدمين ) ولقيته بيتنك عليك ، ما تعبروش نهائي هاتلاقيه أتعدل علطول طبعا التواضع لله دايماً صح لكنه مش الأفضل مع كل البشر أحياناً ممارسة التواضع مع البعض بيخليهم يفتكروا إنهم أكبر من المتواضع، وإنه بيتواضع مش بسبب أخلاقه لكن لغرض أو لهدف ويبتدوا يعاملوه على هذا الأساس وهما اللي يشوفوا نفسهم عليه عشان كده ممارسة التناكة، والترفّع، وإبراز قيمتك الحقيقية وانك تدي اي حد في وشه وتعرف كل حد مقامه ايه أشياء واجبة في التعامل مع فقراء الأدب، وعديمي الذوق، وضعيفي النفوس وسواد القلوب المنافقيين والاهم الجهله ودائماً تذكر من تواضع لله رفعة
د/ هناء الجوهري
حزب تحيا مصر إرادة شعب