الصافى عبدالله يكتب.. انت شاعر ...!!!

( انت شاعر …!!! )

سألتنى مرة انت شاعر

قلت والله ما انا شاعر إلا بيكي

ولا حاسس غير بحبك جوه قلبي وفي وريدى

ولا شايف غير شعاع من نور عينيكي

بينور فى ليلى طريقى

من يوم ما شفتك ما انا فاكر ولا حاسس ولا شاعر

للحياه بأى معنى

غير بس إني بقيت يا دوب حبة مشاعر

لما شافوكى ما بين سطورى وفى كلامى

ما بين فرح وبين دموع على الورق

تسيلي منى في المشاعر

قالوا إني ليكي عاشق

قالوا ليا اليوم ميلادك

اتولدت اليوم شاعر

انتي السبب في وجودى إنتي

إنتي السبب إنه انكتب فوق إسمي شاعر

وبتسألينى انت شاعر…!!!

شعر/ الصافى عبدالله