أيمن محمد فريد يكتب .. قصيدة هو هو العيد

أيمن محمد فريد يكتب.. قصيدة هو هو العيد

ومين قال إن إحنا خلاص بقينا كُبار

إحنا الجيل اللي لسه اغلب حياته هزار

ولسه بنضحك رغم اي هم أو مرار

لسه إحنا بنستني العيد مهما كبرنا زي الاطفال

ولسه عزيمتنا لا تُتفني ولا تثتحدث من عدم

ولسه العمر بيثبت انوا مجرد رقم

لسه فرحه العيد هي هي ..

لسه بنرقص علي صوت الاغنيه

العيد فرحه واجمل فرحه

ولسه مستنين العيديه

وفرحة اول خروجه

وكل صحابك معاك

واول عرض في سينما روكسي و مترو

واحنا بنزاحم علي الشباك

لسه بنحن ليوم بسيط

وننسي همومنا اول ما نسمع تكبيرات العيد

لسه بنحن للعيد بكل تفاصيله

بنحن ليوم مختلف والدنيا كلها لابسة جديد

هو ده اللي عايزينه

نفصل عن الدنيا وزحمتها

ونروح بعيد

كل سنه واحنا فرحانين

كل سنه وعيدنا سعيد

هو نفس الشئ

هو هو العيد