الشاعر ايمن محمد فريد يكتب.. لسه عندي انتي

الشاعر ايمن محمد فريد يكتب.. لسه عندي انتي
لسه في رساله متكتبتش ليكي
مضمونها هي انتي
الشعر حابب يوفيكي
ويبدأ بكلمة حبيبتي ……
مشكورة أنك اتحملتي
وواجهتي تعب ميتحكيش
انا مش جاي أعاتبك ولا ألومك
ولا ازاي بتتعاملي مع ظنونك
ولا جاي اشاركك التفاصيل
وأحوالِك
ولا مهتم اعرف ازاي عرفتي تتماسكي
قدام كل إللي بيقولك مالك
ولا ازاي رتبتي زحمة حياتك….
ولا هعلق علي اخر طقم لبستييه
ولا حتي علي الون اللي حطتيه
ولا عن اي حاجه ازاي
ولا عن اي حاجه ليه
ولا مهتم
اعرف روحتي فين وجيتي منين
وموظفه فين اوقاتك
ولا اتاخرتي ولا سهرتي
ولا عجلتي ولا اجلتي
ولا ازاي قدرتي
ولا هسألك ازاي بتتعافي
عارف انك بتخافي
لما بتيجي سيرتي
….. وبتغرقي في شتاتك
وعارف أنك لسه ساكنه اخر دور في سُكاتك
ولا هسأل الايام بقت ازاي بعدي
ولا مين قصر ولا مين غلطان معروفه محدش دخل معركة البُعد وخرج كسبان
علي العموم مساء الخير يا ستي
يا وردة جوة جنينتي سكنتي
ومشيتي وغيبتي
وبَعدتي قلبك وأنتي كمان بِعدتي
جاي اققولك وافكرك ..
أنك لسه عندي انتي 🌻