مقالات
الشاعر أيمن محمد فريد يكتب … وحشتيني
الشاعر أيمن محمد فريد يكتب … وحشتيني
وحشتيني وياريت نتقابل
في اققرب وقت
بطلب منك تجمعنا ترابيزة
وسط النيل
لأني اشتقت
اققبلي العزومة
ونقعد قدام ترابيزه متواضعه
بالورد مرسومه
وعزف نايات
وهدوء
وجو جميل يخلينا نروق
ووقت نكسبه من الدنيا مسروق
اققبلي عزومتي
ونقعد انا وانتي نتكلم في اي كلام
واي موضوع
وعن اي كتاب جميل
بتحبيه
وعن الورد اللي في بلكونتك
وتوصفي فرحتك وأنتي بتسقيه
ونتأمل انا وانتي في النيل
واكتبلك شعر
واوصفلك ازاي
الثانيه جنبك متتقدرش بعمر
وزي كل مرة
الوقت هيعملها فينا
وهيسرقنا
واحنا لسه متقابلين
دانا شايفك من لحظه معقول فات ساعتين
