أغنية الجريدة كلمات الشاعر السوداني فضل الله محمد

أغنية الجريدة

كلمات الشاعر السوداني فضل الله محمد
ألحان وغناء الموسيقار محمد الامين

الجريدة

سارحة مالك يا حبيبة
ساهية وأفكار بعيدة
بقرا فى عيونك حياتى
وعاملة مشغولة بجريدة…
بتقرى فى إيه ..كلمينى يا سلام..
مهتمة عاملة…
يعنى لازم تقرى هسه مقال..
بحاله قصة كاملة…
كم شهور مرت علينا وبينا بعد…
فرقة شاملة..
العيون رويانة تبكى.. والقلوب مشتاقة آملة
أى حاجة تمر .. بخاطرك قصة أو أخبار جديدة..
عندى ليك خبر أهم .. جايبو بأشواق شديدة..
اسمعى وطوعينى مرة
أيوة ما تخليك عنيدة
عايز أقول لك
ولا سيبك أقرى أحسن فى الجريدة
عايز أقول لك.. ليه أقول لك.. ما بقول لك
مش مخير
ساعة مرت ساعة واكتر .. والوقت روح تأخر
زى عنادك.. عايز اعاند.. لكن يظهر ما حأقدر
عايز اقول بحبك يا وحيدة..
بقرا فى عيونك حياتي
وعاملة مشغولة بجريدة…